Mai, Wonnemonat?

Mr könnt sich jo freue drüber, dass uff de erschte Sit vun de Zittige nit Corona s erschte Thema isch un im Regionalteil nit die läschtige Statischtige mit de Incidenze un au nit selli Zahle vun Verschtorbene „an oder mit“ Corona. Ja, wenn nit des Thema Krankheit un Dood abglöst worewär durch Krieg un Dood. Zerfetzti Hiiserfassade, ussbrennti Wohnunge, zerschossini Autos, iigschtürtzti Brücke, Panzer, Bombe, Rakete. Un abertausendi Mensche, verzwiifelt, uff de Flucht, verletzt oder dood. Gegesittigi Beschuldigunge, Forderunge, Kriegspropaganda, Lüge. Jungi Mütter mit Kinder, d Ehemänner zruckbliibe zum Verteidige helfe. Alti un Kranki, erschöpft unterwegs. Un was ä Diplomatiegewusel! Russland unter Sanktionsbeschuss. Aber Russland schießt mit Waffe zruck. Jeder Daag bringt ä bloß halb gari Berichterstattung. Nach em Ussänanderkeie vun de Sowjetunion hen manchi denkt, jetzt kummt s politische Friejohr in Europa. Jo, vun wäge Friejohr. Ä politischer Winter hemmer. De Monat Mai, kei Wonnemonat, nei, ä Kriegshöll’. In de Ukraine jedefalls.Wie wär’s mit Waffestillstand im Mai? Wenigschtens des! Tröschtlig isch die groß Hilfsbereitschaft vun viele für vieli. Gege Krieg hilft nämlig kei Mundschutz un ä Impfstoff degege isch au no nit entwickelt. Mir wünsche, dass in Afghanistan, Syrie, Irak, Nigeria, imJemen un in de Ukraine un, un, un … bald widder ä Früehlig herrscht un sunsch nix, un sunsch niemeds! Stefan Pflaum